Han ber Flora formannskap om politisk støtte til eit studietilbod i akvakultur i Hopen.
– Dette var heile meininga med kjøpet av det no nedlagde evangeliesenteret. Derfor vil eg førebels la sjølve undervisningslokala i Hopen-anlegget bli liggjande klare på vent utan at dei blir brukte til andre føremål, sa Steinvik-oppdrettaren i møte med formannskapet i går.
Han er sikker på at han vil greie å få oppdrettarane i Sogn og Fjordane med på å realisere eit slikt tilbod, med praksisplassar på anlegga og i eit samarbeid med Flora vidaregåande skule. Han trudde heller ikkje at Måløy vil verte noko problem.
– Ingen vil til Måløy. Eg har langt større tru på eit tilbod i Florø, og her inne, sa Vassbotten.
Han innser likevel at det blir ei utfordring å få linja tilpassa 1. året på eit programval i natur og ressursbruk.
Foto Olav Hatlemark
SPENNANDE: Steinvik oppdrettar Alex Vassbotten teikna eit spennande bilde av eige utviklingsarbeid. Her med Flora ordførar Bente Frøyen Steindal.
Kilde: Firdaposten http://www.firdaposten.no/lokalnytt/article4084947.ece
1 kommentar:
Ja, dette likar vi. Klemm i vei, Alex. Dette er et pluss for bygda, med ditt initiativ, engasjement vert du ein positiv ressurs for bygdeutvikling i Steinhovden.
Klapp på skuldra frå Gunn Edel i "Gamleskulen"
Legg inn en kommentar